Aвстриската полиција приведе 13 џихадисти

Австриската полиција приведе 13 лица во акција против осомничени џихадисти, кои врбувале млади лица за да се приклучат кон радикалните групи во Сирија, соопшти обвинителството во австрискиот град Грац.

Според податоците на австриските медиуми, околу 500 полицајци извршиле претрес на џамии и молитвени простории во Виена, Грац и во Линц во рамки на истрагата, која е дел од мерките што се преземаат во цела Европа за справување на исламистичките борци, кои се приклучуваат кон радикални сили во Сирија и во Ирак.

Според обвинителството, сослушани се 16 лица, осомничени дека се членови на терористичка мрежа. Во текот на извршените претреси конфискувани се материјали, кои пропагираат тероризам и пари.

Властите велат дека под истрага се над 150 лица од Австрија, кои се осомничени дека се поврзани со радикални исламисти на Блискиот Исток.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.