Германија во Украина гледа партенер, а не член на НАТО

Гледам партнерски односи на Украина со НАТО, но не и членство, изјави шефот на германската дипломатија Франк Валтер Штајмајер.

Тој наведе дека е нереално да се зборува и за членство на Украина во Европската унија во блиска иднина бидејќи „економската и политичката модернизација на земјата е проект за неколку генерации“.

– Затоа сека нема смисла да се шпекулира за членството на Украина во ЕУ, посочи Штајмајер и ги повика украинските власти да ги преземат неопходните реформи.

Германскиот министер за надворешни работи предупреди дека не треба да се прекинува дијалогот со Русија и да се избегнува непотребното заострување на односите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.