Седум мигранти од Сирија на возраст од 19 до 29 години и еден германски државјанин на возраст од 25 години се уапсени вчера во Фрајбург под сомнение дека силувале 18-годишна девојка.
Според информациите од полицијата, девојката се запознала со еден од осомничените во ноќен клуб каде тој ја издрогирал ставајќи ѝ нешто во пијалокот, објави „Дојче веле“. Со ДНК тест е утврден идентитетот на неколку од сторителите.
„Дојче веле“ пишува дека како што се продлабочува мигрантската криза во Европа, така се зголемува насилството во Германија кое го вршат мигранти организирани во групи. Злосторствата поттикнуваат бес кај Германците и вршат притисок врз германската канцеларка, Ангела Меркел, поради нејзината либерална мигрантска политика.
Ова е само последен во низата насилни злосторства кои се случиле во овој студентски град од 2016 година, пишува „Дојче веле“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
