Румена Бужаровска: Јас сум задоволна жена

Јас сум задоволна жена, вели писателката Румена Бужаровска, чија збирка раскази „Мојот маж“ синоќа беше промовирана во Младинскиот културен центар (МКЦ). Ова е трета збирка раскази на Бужаровска, по „Чкртки“ и „Осмица“. „Третиот маж“ е во издание на „Блесок“, а промоцијата ја водеше Илина Јакимовска. Студенти, професори, лица од јавниот живот синоќа дојдоа да ја проследат промоцијата на „Мојот маж“, во чии раскази, всушност, се говори за жената.

Во „Мо­јот маж“ се­кој рас­каз е при­каз­на од не­чиј жи­вот, на же­на чиј со­пруг е по­ет, вдо­ви­ца, љу­бов­ни­ца, мај­ка… а во си­те рас­ка­зи има на­ра­тор­ка ко­ја збо­ру­ва за сво­јот маж, но,всуш­ност, таа збо­ру­ва за се­бе.

– Ко­га се рас­ка­жу­ва во пр­во ли­це, на­ра­то­рот е суб­је­кти­вен, та­ка што чи­та­те­лот не знае да­ли да му ве­ру­ва или не. Ток­му таа не­ста­бил­на по­зи­ци­ја ме при­ма­му­ва би­деј­ќи чи­та­те­ли­те са­ми тре­ба да изв­ле­чат зак­лу­чок за ве­ро­до­стој­но­ста на при­каз­на­та, су­деј­ќи спо­ред иска­зи­те на на­ра­то­рот, мо­ти­ви­ра­но­ста да ја рас­ка­же при­каз­на­та на та­ков на­чин, ка­ко и спо­ред ре­ак­ци­и­те на дру­ги­те ли­ко­ви на тоа што го опи­шу­ва на­ра­то­рот. Ту­ка има и мно­гу пре­мол­чу­ва­ња на кои са­ми­от чи­та­тел тре­ба да им да­де глас. Та­кви­те пре­мол­чу­ва­ња се че­сти кај на­ра­тор­ки­те во „Мо­јот маж“. Не­ко­гаш тие се ре­зул­тат на ви­на­та што на­ра­тор­ка­та ја чув­ству­ва би­деј­ќи,спо­ред ли­це­мер­ни­те стан­дар­ди на оп­штес­тво­то, таа е на из­ве­сен на­чин „не­по­доб­на“: мо­же да не е до­бра мај­ка, да е љу­бов­ни­ца, лез­биј­ка, да не го са­ка со­пру­гот, да е ста­ра и ка­ко та­ква ве­ќе да не е „ко­рис­на“. Со по­мош на иро­ни­ја­та, од дру­га стра­на, се слу­чу­ва и сом­ни­тел­ни­те ста­во­ви (шо­ви­ни­стич­ки или на­ци­о­на­ли­стич­ки, на при­мер) на на­ра­тор­ки­те и на нив­ни­те со­пру­зи да се пред­мет на остра кри­ти­ка – вели Бужаровска.

Јакимовска, читајќи ја книгата раскази „Мојот маж“, заклучи дека сите женски ликови во расказите носат некоја вина во себе и оти ниту една од нив не е задоволна, па оттаму следеше прашњето дали Бужаровска е задоволна жена.

– Постојано велам дека сум привилегирана. Имам прекрасно семејство, одличен партнер, имам привилегија да работам прекрасна работа. Да, јас сум задоволна жена – вели Бужаровска, која работи ка­ко до­цент на Ка­те­дра­та за анг­ли­ски ја­зик и кни­жев­ност при Фи­ло­ло­шки­от фа­кул­тет „Бла­же Ко­не­ски“ во Скоп­је, а се за­ни­ма­ва и со кни­же­вен пре­вод.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.