Мурињо во препознатлив стил: Кога голманот е најдобар, не сте играле добро (видео)

Жозе Мурињо, во свој препознатлив стил, го коментираше натпреварот на „Олд Трафорд“ во Манчестер, кој неговиот тим Реал Мадрид, го доби со 2-1 и се пласира во четвртфиналето на Лигата на шампионите.

-Кога голманот е најдобар поединец во вашиот тим, значи не сте играле добро. Имавме проблеми да ја контролираме топката. Лука Модриќ внесе свежина и ни даде сигурност и прецизност во пасовите на средината на теренот. Елиминиравме голем противник. Манчестер јунајтед уште еднаш ја потврди високата класа. Знам како се чуствува Фергусон, по исклучувањето на Нани. Исто ми беше и мене, пред две сезони кога Пепе доби црвен картон – изјави Мурињо.

Португалецот повторно покажа дека е извонреден стратег, со одлуката да му даде шанса на Лука Модриќ во вториот дел. Тоа беше еден, од двата клучни моменти на натпреварот. Хрватот со фантастичен гол во 66. минута, ја анулира предноста на Манчестер јунајтед. Вториот важен момент беше исклучувањето на Нани, по грубиот старт врз Арбелоа, во ситуација што не беше опасна за домаќинот. Допрва ќе се коментира и дебатира за одлуката на турскиот судија Чакир, кој му покажа црвен картон на крилото на Манчестер.

szólj hozzá: Nani red card vs Manchester United

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.