Повик до такси возачите бесплатно да посетуваат обука за англиски јазик

Министерството за транспорт и врски и ЗЕЛС минатата недела објавија јавен повик за пријавување на такси возачи бесплатно да посетуваат обука за англиски јазик. Целта е да се обезбеди поквалитетен такси превоз, особено за туристите кои секојдневно ја посетуваат Македонија.

Ова претставува олеснување за такси возачите полесно да го положат испитот по англиски јазик и да добијат сертификат кој ќе биде услов за добивање на лиценца за такси превозник од 1-ви јануари 2017 година, истакна портпаролот на Министерството Драган Симоновски кој додаде дека обуките ќе бидат бесплатни.

Истите опфаќаат посетување на 80 часа на обука по англиски јазик, а право на учество имаат сите такси возачи вработени во правни лица, лиценцирани за такси дејност во општините низ Република Македонија.

Условите кои треба да ги исполнуваат е да не се постари од 62 години и да се вработени како такси возачи. Огласот за пријавување трае 45 дена од денот на објавувањето.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.