Неколку лица се повредени вчера при силна експлозија во фабрика за хемиски материјали во близина на германскиот град Бремен, соопшти локалната полиција.
Еден од повредените, кој најверојатно бил вработен во фабриката, е со тешки изгореници по телото. Полесно биле повредени неколку жители на гратчето Ритерхуде, каде што се наоѓа фабриката, чиј сопственик е компанијата „Органо флуид“. Засега не е позната причината за инцидентот.
Во фабриката избувнал пожар и поради тоа се уште немаат пристап истражните органи.
Експлозијата била премногу силна, а причинета е и материјална штета на околните куќи. Во воздухот не е утврдено присуство на опасни испарувања.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
