Преправајќи се дека е мртов ирачки војник, 23-годишниот Алија го преживеал масовното стрелање кое го извршиле џихадистите.
Според неговите зборови тој на 12-ти јуни бил заробен заедно со илјадници други војници, кои се подготувале да побегнат од воена база. Во моментот кога милитантите со огнено оружје започнале да ги ликвидираат еден по еден, тој паднал на тлото пред да биде застрелан и со часови лежел помеѓу мртвите тела.
Кога се стемнило побегнал од местото и по некое време стапил во контакт со невладината организација „Хјуман Рајтс Воч“. Како што наведуваат од огранизацијата околу 1.700 војници во јуни им се предале на џихадистите во тек на заземање на Тикрит, а според нивни податоци убиени се 560 до 770 од нив.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
