Епидемијата ебола што веќе го однесе животот на над 1.000 лица во западна Африка, се шири побрзо отколку што хуманитарните организации можат да помогнат, предупреди денеска организацијата „Лекари без граници“.
Светската здравствена организација (СЗО) ден порано соопшти дека размерите на епидемијата во голема мера се потценети и оти потребно е да се преземат „вонредни мерки“, за да се запре ширењето на смртоносната болест.
СЗО соопшти дека бројот на починати во најголемата епидемија на ебола за четири децении се зголеми на 1.069 во четири земји во кои таа владее – Гвинеја, Либерија, Нигерија и Сиера Леоне.
– Ситуацијата се влошува побрзо и епидемијата се шири побрзо отколку што можеме да одговориме на неа. Ситуацијата е како во воено време – изјави директорката на „Лекари без граници“, Џоана Ли, на новинарите во Женева.
СЗО вчера соопшти дека се очекува епидемијата да трае уште некое време.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
