Светската здравствена организација соопшти дека со 100-отстотна ефикасност ги завршила тестирањата на експерименталната вакцина против вирусот Ебола.
Соопштението е објавено на сајтот на организацијата, пренесоа светските агенции.
Ниту еден случај на зараза со Ебола не бил регистриран 10 дена откако повеќе од 5.000 лица во Гвинеја ја примиле вакцината, позната како rVSV-ZEBOV. Вакцината им била понудена на луѓе кои биле во близок контакт со лица на кои им е дијагностицирано заболување.
Во 2013 година во Гвинеја избувна епидемија на Ебола и продолжи да се шири низ другите земји од Западна Африка, а од неа починаа 11.000 лица.
Во соопштението се прецизира дека производител на вакцината е фармацевската компанија MSD.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
