Во еден момент ги отвори очите, ме погледна и почина – потресно сведочење на лекарите

Бев погоден од трагедијата и како лекар и како човек.

Вака докторот Петар Динев раскажува како се чувствувал за смртта на малото бебенце во сообраќајката кај Демир Капија, која го потресе целиот Балкан.

– Во еден момент ги отвори очите, ме погледна и почина… Срцето ми застана во моментот кога сфатив дека бебето почина. До последен момент се трудевме и дававме сè од себе. Нема потешко нешто од ова – вели лекарот Петер Денев за српски „Курир“. Докторот прв дошол на местото на страшната сообраќајка со Брзата помош.

Д-р Динев вели дека бебето имало повреди, но не крвавело. Одеднаш престанало да дише во амбулантното возило. Го реанимирале, но за жал бебето им подлегнало на повредите. Лекарот вели дека во возилото настанал молк кога сфатиле дека малиот Андреја не дише.

– Со години се занимавам со оваа професија, сум видел и поминал сè, но оваа трагедија најтешко ми падна. Сликата на бебето и понатаму ми е пред очи, затоа и ми е тешко да зборувам – сведочи тој.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.