„Малезија ерлајнс“- најнесреќната авиокомпанија на светот

По две авионесреќи за кратко време, малезискиот национален авиопревозник „Малезија ерлајнс“ е во неповолна финансиска ситуација и неговата иднина е многу неизвесна.

Само четири месеци по мистериозното исчезнување на авионот на оваа компанија во Индискиот океан, се случи нова несреќа, кога авион беше соборен над Украина во кој загинаа 298 лица, што е голем удар за авиокомпанијата.

Факт е дека компанија не е во состојба да ја апсорбира катастрофата која ѝ се случи и аналитичарите, со право се прашуваат дали некогаш ќе се врати на старите патеки.

Владата на Малезија имаше големи амбиции со националната авиокомпанија во која вложи многу пари и емоции со цел да биде најдобра во регионот.

„Тајм“ пишува дека патниците се плашат да летаат со нив, по двете катастрофи кои им се случија.

Од компанијата се соопштува дека ќе се фокусираат само на профитабилните линии, свесни дека е тешко да се вратат на нивото што го имаа порано.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.