Либерално демократската партија смета дека одговорот на барањата од здружената опозиција, кој ВМРО-ДПМНЕ го лиферуваше преку соопштение е одраз на стравот и немоќта на Груевски.
– Врв на лицемерието е ВМРО-ДПМНЕ да зборува за конструктивност и дијалог во институциите на системот кога, токму тие, на најбрутален начин ги исфрлија новинарите и пратениците од опозицијата од најзначајната институција за демократијата, Собранието на РМ. Токму тие со газење врз Уставот и непочитување на основните принципи на демократијата ја предизвикаа политичката криза која, се повеќе се продлабочува. Сметаме дека единствено можно решение за надминување на кризата и враќање на легитимитетот на институциите на системот се предвремени парламентарни избори- велат од ЛДП.
Од таму сметаат дека Груевски се плаши од илјадници граѓани од цела Македонија кои демонстрираа вчера.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
