Абдицираше шпанскиот крал Хуан Карлос

Шпанскиот крал Хуан Карлос одлучи да се повлече и абдицираше од кралскиот трон, соопшти денеска премиерот на Шпанија, Маријано Рахој.

Хуан Карлос има 76 години и во последно време имаше проблеми со здравјето. Тој на престолот е од 1975 година, по падот на диктатурата на Франциско Франко.

Престолот ќе го наследи неговиот 45-годипен син Фелипе.

Хуан Карлос важеше за еден од најпопуларните монарси во светот, но неговата популарнст во Шпанија драстично се намали последниве години, најмногу поради корупциската афера со неговата ќерка и нејзниот сопруг.

Аферата се провлекува неколку години и Шпанците веруваат дека аферата не смее да се забошоти само затоа што актерите се припадници на кралското семејство.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.