Грчкиот печат и он-лајн медиумите информираат за одлуката на опозицијата предводена од СДСМ да не ги прифаќа пратеничките мандати. Како што јавува дописникот на Нетпрес од Атина, простор на оваа информација и отстапија и дел од националистичките блогови како „Грчка национална гордост“.
Весникот „Елефтеростипос“ пишува дека 33 од 34 членови на опозициската коалиција предводена од Зоран Заев од СДСМ ја поднеле својата оставка во Парламентот, по одлуката на опозицијата да не ги признае резултатите одржани од изборите на 27-ми април, годинава.
„Лидерот на СДСМ, Зоран Заев, рече дека составот на Парламентот не ја одразува волјата на електоратот во земјата“, пишува порталот „Дифенс Нет“.
„Зоран Заев побара формирање техничка влада со цел, враќање на демократскиот легитимитет на земјата и организација на нови избори“, објавува порталот „Зугла“.
Претходно, во изјава за порталот „ЕуроАктив“, Заев поразот го правдаше тврдејќи дека Македонците се контролирани и не ја искажуваат слободната волја, а Македонија ја опиша како диктатура. Врз основа на изјавата на Заев, порталот во продолжение коментираше дека демократските стандарди во Македонија наводно се влошиле, со што била доведена во прашање релевантноста на препораката на Европската Комисија за одредување датум за старт на преговорите со ЕУ.
Дел од експертската јавност во Македонија во континуитет предупредува дека ваквото однесување на опозицијата е штетно за македонските позиции во ЕУ, а корисно е само за оние што противправно не блокираат во меѓународните организации.
Одлуката на СДСМ да креира вештачка политичка криза во Македонија се случува паралелно со инцијативата на европратеникот Јоргос Шацимаркакис за поништување на македонската кандидатура за членство во Европската Унија. Скандалозното барање на контроверзниот европратеник, близок до (про)опозицискте структури во Македонија, се официјализираше непосредно по двојната победа на ВМРО- ДПМНЕ на локалните и претседателски избори.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
