В недела во театарот „Иван Вазов“ во Софија ќе биде промовиран бугарскиот превод на драмата „Р“ од Јордан Плевнеш. Преводот е на Ганчо Савов, а ја објави софиската издавачка куќа „Балканика“.
Пригодна реч на промоцијата ќе одржи Николај Стојанов, претседателот на Фондацијата „Балканика“, а извадоци од драмата ќе читаат Марин Јанев и Ања Пенчева – првенци на театарот „Иван Вазов“.
Досега драмата е одиграна на сцените во над 20 земји во светот. Во театарот „Иван Вазов” е изведена во октомври 1992 година, во режија на Љубиша Георгиевски, и тоа беше прво дело на македонски автор на сцената на софискиот театар, по прогласувањето на независноста на Македонија. На премиерата присуствуваа тогашните претседатели на двете држави Жељу Жељев и Киро Глигоров.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
