Деновиве во издание на „Македонија презент“ од Скопје излезе од печат новата поетска книга „Сега знам“ од Зоран Пејковски. Инаку, Зоран Пејковски е поет, прозаист, драмски автор, театарски критичар и главен и одговорен уредник на неделникот „Јавност“ од Битола.
Неговата поетска книга „Сега знам“ му е посветена на прерано починатиот поет Љубе Цветановски. Стихозбирката содржи вкупно 32 песни поделени во шесте циклуси: „Искушение на животот“, „Твои сонувачи“, „Повторно ќе се вратиш меѓу нас“, „Сакам да ја знам“, „Осветување на темелот“ и „Не барај од мене“.
На крајот од книгата се објавени рецензиите за книгата: „Стихови за болката, вечното и вечноста“ од Панде Манојлов и „Минување низ татнежот на тишината“ од Петре Димовски.
Станува збор за интимна, исповедна и трогателна лирика која читателот воопшто не го остава спокоен и рамнодушен и на најубав можен начин уште еднаш потсетува и го враќа споменот на ликот и делото на истакнатиот поет, прозаист и патеписец Љубе Цветановски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Промоција на книгата „Конзерваторско-реставраторски методи и третмани на Охридската збирка икони“од Ангелина Поповска
-
Поезија од Јовица Тасевски Етернијан објавена на српски јазик
-
Промоција на книга раскази за Ново маало од Владимир Плавевски
-
Промоција на книгата „Љубовта на Генерал Ш“ од Лира Бојку во Паркот на книгите
