Политичките партии денеска ја продолжуваат претседателската и кампањата за предвремените парламентарни избори.
Претседателскиот кандидат Ѓорге Иванов на ВМРО-ДПМНЕ и Коалицијата „За подобра Македонија“ и кандидатите за пратеници ќе одржат митинзи во Радовиш и Струмица, а ќе ги посетат Ново Село, Босилово и Василево.
Кандидатот за претседател од СДСМ и Коалицијата, Стево Пендаровски ќе одржи митинг во Прилеп и средби со граѓаните на Кривогаштани, Крушево, селата Нородол, Алдинци, Житоше, Лажани и Црнилиште. Претседателот и заменик претседателката на СДСМ, Зоран Заев и Радмила Шекеринска ќе ги посетат општините Конче, Радовиш, Штип и околните места.
Кандидатот за претседател на ГРОМ Зоран Поповски и кандидатите за пратеници ќе одржат митинг во скопски Аеродром, а претходно ќе имаат средби со граѓаните во Ченто, Автокоманда, Турска Чаршија, Топаана и во село Кадино.
Кандидатот за претседател на ДПА Илијаз Халими и кандидатите за пратеници ќе одржат митинзи во Струга и во Гостивар.
ДУИ митинг за парламентарните избори ќе одржи во Долнени, а ќе остварат средби и со граѓаните во Крушево и Пласница.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
