Претседателскиот кандидат, Стево Пендаровски, денеска е во Скопје. Во 13:30 часот е на средби со жителите на село Студеничани, а предвидено е и дружење во локалната чајџилница. Средба со граѓани Пендаровски ќе оствари и во чајџилницата во село Батинци, со почеток.
Подоцна кандидатот за претседател ќе се упати кон општина Кисела Вода, каде во 15:00 часот ќе пристигне во село Аџево на средби со тамошните жители. Веќе во 15:40 часот, Пендаровски ќе оствари средба со граѓани во парк Шопен до ОУ „Невена Ѓоргиева Дуња“, а подоцна, во 16:15 часот, ќе оди на прошетка и на средба со граѓани пред средното економско училиште „Васил Антевски Дрен“.
Дневната агенда продолжува преку средби со граѓани, прошетка и кафе пиење во село Сопиште, со почеток во 17:20 часот.
Во 18:35 часот, во паркот во Мичурин, Пендаровски ќе оствари средба со граѓаните од населба Аеродром. Средбите продолжуваат и кај игралиштето 13 Ноември во 19:00 часот.
Од 19:25 часот, жителите на Аеродром ќе можат да позборуваат со кандидатот за претседател во ТЦ Бисер, а во 19:45 часот Пендаровски ќе има кафе дружење со млади од општина Аеродром.
Во 20:00 часот ќе се одржи средба со жени во ресторанот Everyday, со што завршува агендата на настани на кандидатот за претседател, Стево Пендаровски, за овој ден.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
