Унија на млади сили на ВМРО-ДПМНЕ во Битола ќе ги чисти графитите од претседателската кампања

Унијата на млади сили на ВМРО-ДПМНЕ во Битола, ќе спроведе акција за чистење на графитите низ градот кои се поврзани со претседателската кампања.

-Ваквото валкање на ѕидовите на приватни и деловни објекти, со името ликот и бројот на гласачкото ливче на еден од претседателските кандидати е надвор од сите правила и прописи за фер и демократска кампања. Не само што ова не е законски, туку не е ни етички, а уште помалку естетски коректно, се вели во соопштението на УМС на ВМРО-ДПМНЕ од Битола.

УМС на ВМРО-ДПМНЕ од Битола упатиле апел и до младите од СДСМ да се приклучат кон акцијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.