Кандидатот за претседател, поддржан од СДСМ, Стево Пендаровски, 51. роденден ќе го слави со жителите на неколку скопски населби. Пендаровски ќе ја организира „роденденската прослава“ денеска во Гази Баба, каде што има закажано митинг, а претходно за роденден ќе ги „почести“ и граѓани во Илинден, Петровец и Зелениково.
Тој од 13:00 часот ја започнува посетата и средбите со граѓани скопски населби и скопскиот регион со прошетка и посета на пазарчето во населбата Ченто, од каде во 13:30 ќе се упати во с. Синѓелиќ.
Во 14:15 часот, Пендаровски ќе оствари средба со граѓаните од населбата Хиподром, во трговскиот центар во Хиподром, а во 15:00 и со жителите на с. Јурумлери.
Во 15:30 часот, Пендаровски ќе ја започне посетата на општина Илинден со средби со граѓани во центарот на населбата, по што ќе се упати и кон околните села Кадино (16:00 часот) и Мралино (16:20 часот).
Во 17:00 часот, Пендаровски ќе се упати кон општина Петровец, каде најпрво ќе се сретне со жителите на с. Огњанци, а потоа и ќе оствари средба со граѓаните на Петровец (17:35 часот) и с. Средно Коњари (18:20 часот).
Пендаровски денот исполнет со средби ќе го заврши во 19:40 часот со посета на с. Зелениково и средби со тамошните граѓани.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
