Женската ракометна репрезентација на Македонија го доживеа првиот пораз во првото коло од квалификациите за Европското првенство што во декември ќе се игра во Хрватска и Унгарија.
Македонките беа убедливо поразени со 36-23. Во текот на поголемиот дел од натпреварот Македонија имаше негатива од 5 до 8 голови, но во последните 15 минути Русинките додадоа гас, па така на крајот мечот го завршија со највисоката разлика.
Следниот напревар од квалификациите Македонија го игра во сабота во Скопје, а противник е повторно Русија. Натпреварот ќе се игра на Кале со почеток од 17.45 часот.
Во 7. група, покрај Македонија и Русија е и репрезентацијта на Германија.
Досега се одиграа две средби, Германија ја победи Русија со 32-27, а возвратниот натпревар го добија Русинките со 29-28. Пласман на ЕП во Хрватска и во Унгарија обезбедува само првиот во групата. во декември.
Мечевите на Македонија со Германија се на 11 и на 14 јуни.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
