Супериорен звук, удобност и стил

Новите MDR-ZX и MDR-EX аудио слушалки се одличен партнер на вашиот смартфон или дигитален музички плеер.

Дали сакате да уживате во музика и само музика? Пролетната линија слушалки од „Сони“ се состои од единаесет најнови MDR-ZX и MDR-EX модели, усовршени за поудобно носење при подолго слушање на вашата омилена музика, овозможувајќи динамичен, моќен и прецизен звук. Дел од моделите се со вграден микрофон/далечинско, за полесни телефонски разговори.

MDR-ZX серија слушалки за на глава

Овие луксузни MDR-ZX750BN Bluetooth безжични слушалки за на глава поседуваат извонредната звучна изолација, функција за исклучување на шумови и практични опции за поврзување и за безжично слушање.

Само ставете ги лесните и удобни MDR-ZX750BN и едноставно ќе добиете моќен дигитален звук од вашиот смартфон, таблет или од вашиот компјутер преку Bluetooth врска. Доколку имате Xperia смартфон, таблет или кој било друг NFC уред поврзувањето ќе биде уште полесно. Само допрете ги слушалките со вашиот мобилен уред и безжичната врска веднаш ќе се воспостави.

Удобните, обложени со перничиња слушалки за на глава, со пречник на звучникот од 40mm, осигуруваат јасен и детален звук со широк опсег на динамиката. Вашето доживување ќе биде уште посилно со функцијата за исклучување на дигиталните шумови при што надворешните звуци се блокираат до 98%, отстранувајќи ги надворешните влијанија за непречено слушање, притоа и вашите уши се заштитени од студот во свежите пролетни денови. Вградената литиум – јонска батерија на полнење, овозможува до 13 часа, непрекинато безжично слушање со опцијата „исклучени шумови“. Слушалките воедно имаат и вграден микрофон, кој ви овозможува брзо да преминете од слушање музика на телефонски разговор, додека сте во движење.

Достоен наследник на мега популарните MDR-ZX300, тенките, лесните MDR-ZX310 го надградуваат сè она по што нивниот претходник стана познат ширум светот. Тие се одличен избор за едноставно секојдневно аудио доживување со одличен квалитет на звукот и практичен дизајн за нивно лесно превиткување и пакување во вашите патни торби. Звучниците од 30mm со своите моќни магнети ги оживуваат басовите, средните и високите тонски линии. Каде и да сте, надвор во движење или се одморате дома, ќе уживате во добро балансираниот звук на сите видови музика.

Уште еден, истакнат претставник на „Сони“ слушалките за на глава е моделот MDR-ZX610AP, достапен во 4 различни бои. Опремени со моќни 40mm звучници од неодимиум, новите слушалки овозможуваат да ја слушнете секоја нота со исклучителна јасност и висока сензитивност.

Доколку ги користите MDR-ZX610AP со вашиот смартфон, со бесплатната апликација Smart Key која е достапна преку Гугл – Плеј можете да ги проширите вградените функции на слушалките, како што се далечинската контрола и микрофонот. Можете и да ги прилагодите овие функции, за да управувате со одговарањето на телефонските повици и слушањето на музиката, онака како што вам ви одговара.

MDR-EX серија на слушалки за во уво

Пролетната линија на „Сони“ слушалките за во уво е предводена од MDR-EX650AP. Новиот дизајн се карактеризира со 12mm EX звучник кој е реконструиран за поудобно носење и поголем квалитет на звукот.

Чист месинг е користен за куќиштата и за новата проширена звучна патека кај слушалките MDR-EX650AP. Користен и кај трубата, саксофонот и останатите лимени дувачки инструменти, оваа легура на бакар и цинк музичарите особено ја ценат заради густината, блескавиот изглед и акустичните својства. Иако потежок од алуминиумот, ги спречува несаканите вибрации и резонанции, обезбедувајќи чиста, необоена, репродукција на средните и високите фреквенции. Слушалките со вграден микрофон/далечинско управување, овозможуваат полесно користење на вашиот смартфон – „hands-free”.

Со разнобојните MDR-EX110 и EX15 ќе добиете повисок квалитет на звукот од вашиот дигитален музички плеер во однос на слушалките кои одат со нив во комплет, по достапна цена. Тие се исто така достапни и во „AP“ верзии со вграден микрофон/далечинско за полесни телефонски разговори.

Новата линија на разнобојни слушалки на „Сони“ од сериите МDR-ZX и MDR-EX ќе биде достапна на пазарот во Европа, од април оваа година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.