Друштвото за издавачка дејност „Мaкедоника литера“ од Скопје и Амбасадата на СР Германија во Скопје организираат промоција на книгата „Македонија – предел и култура на живеење“ од Леонард Шулце Јена, во превод од германски јазик на Слободанка Поповска.
Промоцијата ќе се одржи в четврток во 12 часот, во германската читалница при НУБ „Св. Климент Охридски“ во Скопје. За книгата ќе зборуваат: проф. д-р Волф Ошлис, славист и македонист од Германија, проф. д-р Зоран Тодоровски, г-ѓа Гудрун Штајнакер, амбасадорка на СР Германија во Македонија, и Нове Цветаноски.
Оваа книга, која првпат е објавена во 1927 година, се смета за една од првите научни монографии за Македонија и сега првпат е преведена и публикувана на македонски јази во издание на „Македоника“. Книгата содржи близу 150 фотографии, графикони и карти, меѓу кои и голема карта на која, врз основа на своите истражувања, Леонард Шулце Јена ги утврдил границите на Македонија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
