Еден од најдобрите кошаркари во НБА лигата, Коби Брајант нема да се врати на теренот ниту оваа сезона.
Откако минатата сезона ја пукна Ахиловата тетива, Коби напорно работеше и се врати на теренот порано од прогнозите, но брзо по тоа повторно го повреди коленото.
– Ова ме фрустира. Повредата го тестира моето трпение. Ограничен сум, не можам ништо да направам, едвај чекам да се опоравам – вели Брајант.
Доколку не успее да се врати на теренот до крајот на сезоната 2013/14, Коби ќе биде платен по 5 милиони долари од натпревар, со оглед на тоа дека одигра само 6 натпревара, а годишната плата му изнесува 30,5 милиони долари.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
