Дваесет и шестгодишен Англичанец е тешко повреден во сообраќајна несреќа што синоќа се случи на регионалниот пат Маврови Анови-Дебар. Во несреќата повредени се и уште две лица.
Според МВР, во незгодата учествувале мотоцикл „Хонда“ со британски национални ознаки, управуван од J.J.(26) од Англија и патничко возило „Фолксваген Голф“ со гостиварски регистарски ознаки, управувано од Е.В.(27) од с.Требиште-Маврово.
Во сударот со тешки телесни повреди се здобил мотоциклистот и бил згрижен во дебарската болница, но поради сериозноста на повредите бил префрлен во Ургентен центар при комплексот клиники „Мајка Тереза“-Скопје.
Возачот на голфот Е.В. и сопатникот во возилото А.В., се здобиле со телесни повреди и по укажаната помош биле пуштени на домашно лекување. Увид на местото на настанот извршила екипа од СВР Тетово.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
