Шпанскиот матадор нишани на европски успех со Вардар

Ра­ул Гон­за­лес е пр­ви­от Шпа­нец што е тре­нер на ма­ке­дон­ски клуб во кој би­ло спорт, а од не­о­дам­на ја до­би до­вер­ба­та на Сер­геј Сам­со­нен­ко да го пред­во­ди Вар­дар во оби­дот да се на­пра­ви по­се­ри­о­зен ис­че­кор кон Евро­па. Раз­го­во­рот со 44-го­диш­ни­от ра­ко­ме­тен стра­тег се слу­чи не­по­сред­но пред ждреп­ка­та на ос­ми­на­фи­нал­ни­те двој­ки во Ли­га­та на шам­пи­о­ни­те. Вар­дар ќе игра про­тив акту­ел­ни­от европ­ски шам­пи­он Хам­бург, а Гон­за­лес ве­ли де­ка е се­ед­но про­тив ко­го ќе игра­ат „цр­ве­но-цр­ни­те“ би­дејв­ќи ре­чи­си и не­ма­ше из­бор. Сил­ни еки­пи се и Вес­прем и Кил, а за­ед­но со Хам­бург, си­те три се пр­воп­ла­си­ра­ни во фа­за­та по гру­пи во Ли­га­та на шам­пи­о­ни­те. Шпа­не­цот нѐ до­че­ка со нас­ме­вка и вед­наш по­твр­ди де­ка ак­ли­ма­ти­за­ци­ја­та во Скоп­је и во Ма­ке­до­ни­ја до­бро му оди.

– Здра­во, ка­ко сте, ми­ло ми е што се за­поз­нав­ме – на со­ли­ден ма­ке­дон­ски ја­зик нѐ поз­дра­ви по­ра­неш­ни­от но­си­тел на олим­пи­ска брон­за од Ат­лан­та 1996 го­ди­на. Со Шпа­ни­ја ка­ко играч бе­ше тре­топ­ла­си­ран на ЛОИ пред 18 го­ди­ни.

Иден­тич­но име и пре­зи­ме со фуд­бал­ска­та ле­ген­да на Ре­ал Ма­дрид, чи­ста ко­ин­ци­ден­ци­ја

И вед­наш ја свр­те ра­бо­та­та на ше­га зна­еј­ќи де­ка ќе го пра­ша­ме за ин­те­рес­на­та ко­ин­ци­ден­ци­ја со фуд­бал­ска­та ико­на на Ре­ал Ма­дрид и на шпан­ска­та ре­пре­зен­та­ци­ја.

– Знам де­ка ве ин­те­ре­си­ра, но иа­ко има­ме исто име и пре­зи­ме со ле­ген­да­та на шпан­ски­от фуд­бал Ра­ул Гон­за­лес, се­пак не сме род. Јас сум мал­ку по­стар од не­го, па ве­ро­јат­но тој ги зел од ме­не име­то и пре­зи­ме­то – се по­ше­гу­ва тре­не­рот на Вар­дар.

Ве­ли де­ка не раз­мис­лу­вал мно­гу ко­га го при­фа­тил пре­диз­ви­кот да до­па­ту­ва во Ма­ке­до­ни­ја и да го пре­зе­ме кор­ми­ло­то на Вар­дар. За не­го ова е прв про­фе­си­о­на­лен ан­гаж­ман ка­ко прв тре­нер на ра­ко­ме­тен клуб, отка­ко за­на­е­тот го пе­че­ше кај врв­ни­те струч­ња­ци Та­лант Ду­ше­ба­ев, а со­ра­бо­ту­ва­ше и со Ху­ан Кар­лос Па­стор. Трој­ца­та ста­ри поз­нај­ни­ци има­ат брон­зен ме­дал од ЛОИ во Ат­лан­та во 1996 го­ди­на.

– Де­фи­ни­тив­но, во Ма­ке­до­ни­ја се игра од­ли­чен ра­ко­мет. Тоа го зна­ев сле­деј­ќи ги нат­пре­ва­ри­те од Ли­га­та на шам­пи­о­ни­те и од европ­ски­те и свет­ски­те пр­венс­тва. Мно­гу мал­ку зна­ев за ва­ша­та зем­ја пред да дој­дам во Вар­дар, а најм­но­гу ме прив­ле­че пре­диз­ви­кот што е пред ме­не. Вар­дар е се­ри­о­зен про­ект и јас са­кам да би­дам дел од не­го – ве­ли ра­ко­мет­ни­от тре­нер Ра­ул Гон­за­лес.

И за не­го ка­ко и за комп­лет­ни­от ра­ко­ме­тен свет, ви­стин­ски фе­но­мен е под­ви­гот на ма­ке­дон­ски­те еки­пи во ова из­да­ние од Ли­га­та на шам­пи­о­ни­те.

– Е тоа е ви­стин­ски фе­но­мен не са­мо во ра­ко­ме­тот. Во еден ист град три еки­пи да игра­ат нат­пре­ва­ри од Ли­га­та на шам­пи­о­ни­те е го­лем под­виг. На­ви­сти­на сум им­пре­си­о­ни­ран од ма­ке­дон­ско­то ра­ко­мет­но чу­до. Би би­ло ло­гич­но та­ков ре­зул­тат да се слу­чи во зем­ји во кои мно­гу по­ве­ќе се ин­ве­сти­ра во спор­тот, но чу­до­то се слу­чу­ва ов­де, во Ма­ке­до­ни­ја. И не са­мо што има три еки­пи во ист цик­лус во нај­ква­ли­тет­но­то европ­ско нат­пре­ва­ру­ва­ње, ту­ку има­те три сил­ни клу­бо­ви што се кон­ку­рент­ни и мно­гу ква­ли­тет­ни. Тоа е од­лич­но за Скоп­је, за Ма­ке­до­ни­ја, но уште е по­важ­но што лу­ѓе­то ов­де го са­ка­ат ра­ко­ме­тот. Тоа ми бе­ше јас­но вед­наш по пр­ви­от меч на кој го пред­во­дев Вар­дар ка­ко тре­нер – ко­мен­ти­ра Гон­за­лес.

На­ви­ва­чи­те во Ма­ке­до­ни­ја се фан­та­стич­ни

Ве­ро­јат­но е те­шко да се дој­де во ма­ла др­жа­ва ка­ко Ма­ке­до­ни­ја од Шпа­ни­ја, зем­ја што до­ми­ни­ра во свет­ски рам­ки во фуд­ба­лот, ра­ко­ме­тот, ко­шар­ка­та. Ка­де што израс­наа асо­ви од ка­ли­ба­рот на Ча­ви, Ини­е­ста, Га­сол, На­ва­ро, На­дал, Аги­на­гал­де и уште мно­гу свет­ски поз­на­ти ѕвез­ди.

– Јас лес­но се на­вик­ну­вам на но­ва сре­ди­на. Ка­ко играч на­ста­пу­вав во не­кол­ку раз­лич­ни зем­ји и си­те си има­ат сво­ја уба­ви­на. Кај вас тем­пе­ра­мен­тот на лу­ѓе­то е сли­чен на шпан­ски­от и за­се­га до­бро ми оди. Еве и на­у­чив по не­кој збор ма­ке­дон­ски, иа­ко мо­рам да приз­на­ам де­ка прет­ход­но не зна­ев ре­чи­си ни­што за Ма­ке­до­ни­ја. Хра­на­та е од­лич­на, лу­ѓе­то се го­сто­прим­ли­ви, а на­ви­ва­чи­те фан­та­стич­ни – до­да­ва тре­не­рот на Вар­дар.

„Цр­ве­но-цр­ни­те“ под пал­ка­та на Шпа­не­цот ќе мо­ра да нај­дат ре­цепт за сен­за­ци­ја про­тив Хам­бург, ако са­ка­ат да игра­ат во че­твр­тфи­на­ле­то на Ли­га­та на шам­пи­о­ни­те.

– Во ва­кво нат­пре­ва­ру­ва­ње не­ма лес­ни про­тив­ни­ци и се­ед­но е про­тив ко­го ќе игра­ме. Нај­важ­но е Вар­дар да би­де ма­кси­мал­но под­го­твен за пре­диз­ви­кот. Нор­мал­но, са­ка­ме да по­бе­ди­ме, а ва­кви­те нат­пре­ва­ри се мно­гу раз­лич­ни од тие во фа­за­та по гру­пи. Ни­ко­гаш не се знае што мо­же да се слу­чи во блиц-си­стем со два ме­ча. Имам искус­тво ка­ко ра­ко­ме­тар за ва­кви нат­пре­ва­ри и ни­ко­гаш не сум се пре­да­вал. Тоа ќе го ба­рам од мо­и­те игра­чи и во ос­ми­на­фи­на­ле­то. Ве­ру­вам де­ка ќе би­де­ме под­го­тве­ни за два до­бри ду­е­ла и за до­бар ре­зул­тат – оп­ти­мист е 44-го­диш­ни­от кор­ми­лар на ма­ке­дон­ски­от шам­пи­он.

Гон­за­лес ве­ли де­ка овој цик­лус од Ли­га­та на шам­пи­о­ни­те е не­из­ве­сен, мош­не изед­на­чен, а ти­пу­ва на Бар­се­ло­на ка­ко нов вла­де­тел на Евро­па. Го по­со­чу­ва Кјел­це ка­ко мож­но из­не­на­ду­ва­ње. И, се­ка­ко, по­са­ку­ва след­ни­от про­тив­ник на Вар­дар, гер­ман­ски­от Хам­бург, да не на­пра­ви ре­при­за од ла­ни и да го од­бра­ни тро­фе­јот.

– До­ми­на­ци­ја­та на шпан­ски­те и на гер­ман­ски­те еки­пи е ло­гич­на. Тие вло­жу­ва­ат во ра­ко­ме­тот по­долг пер­и­од и от­та­му се европ­ски­те ти­ту­ли. Ра­бо­тат од­лич­но во кон­ти­ну­и­тет. Ко­га е та­ка од­вре­ме-на­вре­ме са­мо тре­ба да ме­ну­ва­те сит­ни де­та­ли во мо­за­и­кот што функ­ци­о­ни­ра бес­пре­кор­но. Мно­гу е те­шко да се по­бе­ди во ква­ли­тет­но нат­пре­ва­ру­ва­ње ка­кво што е Ли­га­та на шам­пи­о­ни­те. Мис­лам де­ка и го­ди­на­ва Бар­се­ло­на има најм­но­гу шан­си да го освои тро­фе­јот, иа­ко во Шпа­ни­ја се чув­ству­ва кри­за­та во си­те спор­то­ви, освен во фуд­ба­лот. Проб­лем се па­ри­те би­деј­ќи сѐ по­мал­ку се вло­жу­ва. И за­тоа еки­пи­те од Исто­кот на Евро­па и од дру­ги­те зем­ји сѐ по­ве­ќе се доб­ли­жу­ва­ат. Вес­прем е од­лич­на еки­па, Па­ри Сен Жер­мен екс­прес­но се по­ја­ви на ра­ко­мет­на­та ма­па во Евро­па, но ако има из­не­на­ду­ва­ње се­зо­на­ва, ти­пу­вам на Кјел­це. Тие се опас­ни и мо­жат да би­дат сен­за­ци­ја – об­јас­ну­ва Гон­за­лес.

При­ја­телс­тво­то со Ду­ше­ба­е­ви про­дол­жу­ва и во Вар­дар

Ра­ул има брон­зен ме­дал од Лет­ни­те олим­пи­ски игри во Ат­лан­та, ко­га Шпа­ни­ја во меч за ме­дал ја по­бе­ди Фран­ци­ја со 27-25. Се­гаш­ни­от тре­нер на Вар­дар оди­гра шест нат­пре­ва­ри на тој тур­нир и по­стиг­на пет го­ла, а ин­те­рес­на е ком­би­на­ци­ја­та со ра­ко­мет­но­то се­мејс­тво Ду­ше­ба­е­ви. Во Ат­лан­та ли­дер на се­лек­ци­ја­та на „цр­ве­на­та фу­ри­ја“ бе­ше Та­лант Ду­ше­ба­ев, ле­ген­да­та на свет­ски­от ра­ко­мет, кој по­доц­на го зе­де Гон­за­лес ка­ко по­мош­ник-тре­нер во Ат­ле­ти­ко Ма­дрид. Клу­бот за кој из­вес­но вре­ме на­ста­пу­ва­ше и на­ши­от Ки­рил Ла­за­ров по­доц­на се рас­пад­на. Ду­ше­ба­ев има­ше по­ну­да од Сам­со­нен­ко да го пре­зе­ме кор­ми­ло­то на Вар­дар, а ко­га тој од­би, во Скоп­је стиг­на Ра­ул. И за да би­де при­каз­на­та комп­лет­на, во „цр­ве­но-цр­ни­от“ та­бор го до­че­ка си­нот на Та­лант, Алекс Ду­ше­ба­ев. Тој во перс­пе­кти­ва ќе би­де си­лен адут на Вар­дар, а при­каз­на­та за дол­го­то при­ја­телс­тво ме­ѓу Ду­ше­ба­е­ви и Гон­за­лес си про­дол­жу­ва и во Вар­дар.

Не­ма зи­ма за ра­ко­ме­тот

Ра­ко­ме­тот е број еден спорт во Ма­ке­до­ни­ја, еки­пи­те игра­ат во Ли­га­та на шам­пи­о­ни­те, ре­пре­зен­та­ци­ја­та фа­ти ри­там со ре­дов­но по­ја­ву­ва­ње на го­ле­ми­те нат­пре­ва­ру­ва­ња, а на­ши­от го­стин, за ова из­да­ние на ма­га­зи­нот „Ре­пуб­ли­ка“, прог­но­зи­ра де­ка трен­дот на раз­вој на игра­та ќе про­дол­жи во Ма­ке­до­ни­ја.

– Вед­наш се чув­ству­ва по­зи­тив­на­та кли­ма. Пре­поз­нат­ли­во е де­ка ра­ко­ме­тот е спорт број еден кај вас. Имам чув­ство ка­ко це­ла др­жа­ва да стои зад за­ед­нич­ки про­ект, а тоа е раз­вој на ра­ко­ме­тот. Би би­ло до­бро за ма­ла зем­ја ка­ко Ма­ке­до­ни­ја да се раз­ви­ва овој спорт и во по­ма­ли­те сре­ди­ни. Да се иско­ри­сти еу­фо­ри­ја­та, да се вло­жу­ва, за да се соз­да­де сил­на ли­га, од што ко­рист ќе има и ре­пре­зен­та­ци­ја­та. Тоа е ре­цепт што го при­ме­ну­ва­ат и по­сил­ни­те и по­го­ле­ми зем­ји. И ва­ка е су­пер, Ме­та­лург е од­ли­чен клуб, две­те еки­пи на Вар­дар се мно­гу сил­ни, што е га­ран­ци­ја за раз­вој на ра­ко­ме­тот во Ма­ке­до­ни­ја – за­вр­ши шпан­ски­от тре­нер.

Разговараше: Зоран Поповски
Фото: Ѓорѓи Личовски
(Интервјуто со Раул Гонзалес е објавено во 78. број на неделникот Република)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.