Сообраќајот на сите државни патишта во Македонија се одвива без забрани и застои, по наместа влажни коловози, информираат од Автомотосојузот на Македонија.
Остатоци од снег има на патниот правец Тетово – Попова Шапка, но не преставуваат пречка за одвивање на сообраќајот. На истиот патен правец има појава на магла со видливост до 50 метри.
АМСМ препорачува внимателно возење, приспособена брзина на движење и почитување на поставената сообраќајна сигнализација. Посебно внимание е потребно на делниците што минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево и Берово – Виница, каде што е можна почеста појава на одрони.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
