Тотенхем се лизна во Украина

Премиерлигашот Тотенхем го загуби првиот меч од шеснаестина финалето во Европа Лигата, а лизгав за ѕвездите од Лондон беше теренот во Днепропетровск. Домашниот Дњипро победи со 1-0 со голот на Конопљанка од пенал во 81. минута. Во останатите дуели што се одиграа вечерва фаворитите немаа проблеми.

Јувентус со 2-0 го совлада Трабзонспор, со идентичен резултат Валенсија на неутрален терен во Никозија го победи Динамо Киев, а со два гола разлика и тоа 3-1, Фиорентина победи во Данска против Есбјерг.

Без голови завршија натпреварите меѓу Анжи и Генк, односно Черноморец и Лион, а со по еден погодок на гости славеа Бенфика против ПАОК и Аз Алкмар со Либерец.

Од 21,05 почнаа уште 8 натпревари од оваа фаза, а единствениот македонски фудбалер што настапува во Европа Лигата, Горан Пандев е резерва за наполи на гостувањето во Велс кај Свонси.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.