Со врачување на признанието „Гоцева мисла“ на Олга Панкина, денеска во 11 часот во Културниот центар „Феникс“ почна традиционална свеченост со која се одбележува роденденот на Гоце Делчев. Истовремено почнува и „Фестивалот на чајот и на читањето“. Организатори на свеченоста се „Феникс“ и фондацијата „Македонија презент“. Притоа, свечено ќе биде врачена наградата „Гоцевата мисла“ на Олга Панкина – за нејизиниот вкупен придонес на планот на афирмацијата и презентацијата на македонската литература и култура во странство, посебно за големиот број преводи и објавени дела од македонски автори на руски јазик. Свеченоста ќе биде збогатена и со отворање на самостојната тематска изложба „Концепт/концерт за гласно молчење и нечујно свирење“ на тема музика и музичари од доц. д-р Христо Петрески, која ќе ја отвори проф.д-р Иванка Апостолова. Со врачувањето на наградата и ликовната изложба, всушност, ќе почне „Фестивалот на чајот и на читањето“, кој во Културниот центар „Феникс“ ќе се одржува од 4 февруари до 8 март, со голем саемски попуст на книги, промоции, изложби, почнување на курсот за креативно пишување, манифестацијата „Денови на прозата“, врачување награди и признанија и слично.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
