Исланд има само пофални зборови за македонската машка ракометна репрезентација со која ќе се сретне утре, понеделник, од 16 часот на Европското првенство (ЕП) кое е во тек во Данска. Македонија се пласираше во втората фаза од шампионатот и веќе претрпе еден пораз, од Унгарија. И за Исланд не не врзуваат добри спомени, освен оној меч во Скопје, во јуни 2008 година, кога во „Борис Трајковски“ ги збришавме Исланѓаните и потоа ги елиминиравме од Светското првенство (СП) во Хрватска 2009 година. Неколку месеци подоцна Исланд на Летните олимпски игри (ЛОИ) во Пекинг таа година го освои сребрениот медал.
– Тоа ќе биде многу многу тежок натпревар. Капитенот Кирил Лазаров и голманот досега на шампионаот се одлични и очекувам многу проблеми од нив. Ние сега ја совладавме Австрија, треба да се средиме, да ги смириме чувствата и да почнеме да размислуваме за мечот со Македонија. Не треба да мислиме дека дуелот е однапред е добиен, бидејќи Македонците знаат да бидат многу опасни сигурно ќе не казнат доколку не влеземе 100 проценти во овој меч – изјави Густафсон.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
