Македонската ракометна репрепзентација во последниот натпревар од групната фаза на Европското првенство во Данска ја совлада репрезентацијата на Австрија со 22-21. Нашиот состав одигра одличен натпревар и во текот на сите 60 минути беа сконцентрирани во фазата во одбрана и затоа успеа да прими само 21 гол. Јунак на натпреварот е „министерот за одбрана“ Борко Ристовски со 19 одбрани. Во текот на мечот Австријците се покажаа како одлична репрезентација која ќе стравува за понатамошниот пласман на ЕП. Како и на секој натпревар, така и на овој осцилациите во играта се големи бидејќи не успеаваме да постигнеме гол во подолг период од играта. Од добиен натпревар можеше лесно да се случи да ја прокоцкаме победата и до крајот да стравуваме за пласман во следната фаза од натпреварот.
Во нападот одлично одигра капитенот Кире Лазаров со осум гола. Одличен натпревар одигра и Филип Миркуловски, кој успеваше да извлече неколку исклучувања на противничките играчи и да биде досуден пенал врз него.
Сепак, во финишот со два гола на Стојанче Стоилов и успешно реализираниот пенал на Лазаров успеавме од два гола негатива да дојдеме до предност и да извојуваме победа вредна пласман во следната фаза. Со оваа победа во случај на победа на Данска над Чешка, Македонија пренесува два бода во следната фаза и има шанси се бори за повторување успехот од претходното Европско првенство и осовјување на петтото место.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
