Маглата во Скопје и понатаму прави проблеми во одвивањето на воздушниот сообраќај. На скопскиот аеродром „Александар Велики“ утринава е реализирано само едно полетување.
Според информациите објавени на веб страницата на аеродромот, рано утринава полетал само авион на компанијата „Визер“ за Дортмунд, додека летовите за Загреб и за Истанбул се откажани. Утринава на скопскиот аеродром не слетал ниту авионот на „Туркиш“ од Истанбул.
Поради временските услови веќе неколку дена на скопскиот аеродром не се реализираат поголем дел од летовите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
