Арсенал се засилува со Дракслер

Ако вака продолжи, Арсен Венгер ќе ги разгали навивачите на Арсенал. Откако одвио 50 милиони за Озил минатото лето, Французинот сега подготвува 40 милиони за уште еден Германец.

Во прашање е талентираниот Јулијан Дракслер од Шалке 04. За Дракслер изминатите месеци се интересираа голем број клубови од Премиер-лигата, но, најверојатно, пресудна била желбата на младиот Германец кариерата да ја продолжи во Арсенал.

Доста се говореше за тоа дека Дракслер ќе дојде во Арсенал, клаузулата на неговиот договор изнесува 40 милиони, а Шалке не би го пуштил под таа цена, а судејќи според пишувањето на британските медиуми, сѐ е подготвено за трансферот да се комплетира.

Доколку трансферот се реализира, Арсенал ќе ја зајакне „германската врска“ во своите редови бидејќи тука веќе се Мертезакер, Озил, Подолски и Гнабри.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.