Шакира: Не сакам да ме доживуваат само како танчарка

Популарната колумбиска пејачка Шакира ја отвори душата за магазинот „Гламур“ и откри дека сака уште многу да постигне во кариерата.

– Мислам дека мојата поента на Земјата е многу поголема отколку само да мешам со колковите. Потполно поинаку размислувате кога доаѓате од земјата во која јас пораснав. Во Колумбија, образованието некогаш се смета за лукзус, а не право на луѓето. Тоа не е ни на листата на приоритети на владата. Чуствувам должност да бидам гласот на нацијата и со помош на мојата слава до дојдам до оние чиј глас не се слуша – вели Шакира.

Шакира, исто така, додаде и какви ѝ се плановите за нејзината понатамошна кариера.

– Да, гладна сум и понатаму. Но, не за слава, туку да си докажам себеси дека сѐ уште можам да ја работам оваа работа успешно.

Инаку оваа година музичката индустрија ќе биде побогата со уште еден интересен дует.

– Соработката со Ријана беше неверојатна. Таа е најсексапилната жена на планетата. Хемијата беше толку добра и реална. Ме научи на некои нови потези. Таа е прекрасна – заклучи Шакира.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.