Клоп: Заморот е причина за нашите лоши резултати

Тренерот на Борусија Дортмунд Јирген Клоп, изјави дека заморот на неговите играчи е причина за поразот од тимот на Херта во 17. коло во германскиот шампионат.

„Милионерите“ со тоа доживеаа уште еден тежок удар на домашен терен оваа сезоана и почнаа да го губат чекорот со Баерн Минхен во борбата за титула.

– Го почнавме многу добро овој натпревар, а го завршивме во солзи. Слабо реагиравме по вториот примен гол, не успеавме да се вратиме во натпреварот. Дефинитивно им треба одмор на фудбалерите. Сепак, одговорни сме за слабите резултати и мораме добро да размислиме за некои работи и да ги решиме проблемите – изјави Клоп.

Борусија моментално се наоѓа на третото место во Бундеслигата со 32 бода, 12 помалце од првопласираниот Баерн Минхен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.