Новите модели на палта, капути и на други модни парчиња од колекцијата есен-зима 2014 година вчера ги презентираше познатата македонска модна креатарока Александра Митковска.
Новата колекција „Премиера“ се карактаризира со строги линии, асиметричен крој и навидум неспоиви бои и материјали.
Домашните љубители на креациите на Митковска од вчера имаат можност сите модели од оваа колекција да ги купат во бутикот. Комерцијалниот дел на „Премиера“ е произведен во 3.000 парчиња, доминираат црната, сивата и белата боја, како и карираниот отпечаток и е наменет како за домашниот така и за странските пазари.
Наскоро моделите ќе бидат во продажба и во Белград, Софија, Загреб, Сараево,Тирана и во Милано.
Најавниот дел од колекцијата „Премиера“ беше прикажан на есенското осмо издание на „Моден викенд Скопје“ , на црвен килим пред Музејот на Град Скопје.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
