По успешниот „Ден на идеи“, македонската влада реши уште еднаш да ги отвори вратите за граѓаните и да им понуди можност одблиску да се запознаат со нејзиното секојдневно функционирање.
Од Владата информираат дека в петок, од 10 до 17 часот граѓаните ќе имаат можност да се запознаат со работата, начинот на функционирање, спроведувањето на владините политики, како и со целокупната организација на работата преку присуство на седница на владина комисија.
Во рамките на обиколката на домот на извршната власт граѓаните ќе ги посетат Салата за билатерални средби, Кабинетите на потпретседателите на Владата, Генералниот секретаријат и Дебатната сала.
Сите заинтересирани граѓани што сакаат в петок да бидат гости во Влада мора уредно да се пријават на телефонските броеви 02 3118-782 и 02 3131-365 до среда.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
