Владата ќе поддржи вкупно 134 проекти во 72 општини преку Програмата за рурален развој. За оваа намена се предвидени 1,45 милијарди денари што е највисока поддршка досега за локалната самоуправа.
– Сите 72 општини што аплицираа, независно од политичката припадност на градоначалникот
или етничката структура на населението, добија поддршка за еден, а некои и за два проекта. Со ова Владата уште еднаш потврди дека спроведува политика на отворени врати – изјави денеска портпаролот, Александар Ѓорѓиев.
Директорот на Платежната агенција, Тони Димовски, информира дека проектите се однесуваат на подобрување на квалитетот на животот во руралните средини, на обнова и развој на селата, како и за зачувување на традиционалните вредности. Тој додаде дека веќе се почнати јавните набавки за планираните инвестиции.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
