Напаѓачот на второлигашот Тетекс, Филип Петковски, ќе го засили македонскиот шампион Вардар во зимскиот преоден рок. Двете страни, начелно, се договориле за трансферот на 23-годишниот офанзивец во „црвено-црниот“ табор, со што ќе се подобри очајната ситуација во Вардар со шпиц-играчи. Повреден е Един Адемовиќ, Јован Костовски си замина, а и потенцијалното засилување од Еуромилк, Антонио Бујчевски, е суспендиран поради проблеми со исписницата и регистрацијата, па Вардар се соочи со криза во напаѓачкиот дел.
Иако е млад, Петковски има солидно искуство, ги мина младинските селекции на Македонија, а настапуваше и во Првата македонска лига за Работнички и Турново и за второлигашот Тиквеш. Покрај него, Вардар сака да ангажира барем уште еден класичен напаѓач за да не се повтори епизодата од оваа есен, кога речиси немаше шпиц-играч во составот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
