Српскиот тенисер Новак Ѓоковиќ вчера го совлада аргентинскиот тенисер Хуан Мартин дел Потро и обезбеди пласман во полуфиналето.
Во 13 меѓусебен меч на овие двајца тенисери Ѓоковиќ до 10.та победа стигна со 2:1 – по сетови 6:3, 3:6 и 6:3.
За во моментов вториот светски рекет ова беше 19 победа во низа што му овозможи да влезе во големата четворка на завршниот голем турнир сезонава.
– Морам да кажам дека имав среќа што мојата група почна во вторник, бидејќи претходно играв финале во Берси. Двата меча во вечерен термин, така што имав повеќе време за одмор и да се подготвам. Успеав да добијам две големи борби, против Федерер и против Потро. Двата меча се решаваа во третиот сет. Многу сум среќен што играв најдобро кога беше потребно, обезбедив полуфинале и тоа е добро – рече Ѓоковиќ.
Новак додаде дека пресудно за победата бил неговиот сервис, каде забележа десет аса, три повеќе од противникот.
– Во завршницата од натпреварот сервирав добро. Тој има еден од најдобрите сервиси, така да морав да бидам цврст- додаде Ѓоковиќ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
