ЖРК Вардар СЦБТ известува дека од вчера (15 октомври 2013) ја стартува новата промотивна акција за сите свои фанови.
Имено, под мотото „Јас, ти и Вардар! Едно семејство – една љубов!“, организирана е акцијата во чии рамки со секоја купена влезница за следните натпревари кои ЖРК Вардар СЦБТ ќе ги одигра на домашен терен, добивате дополнителен бесплатен влез за уште еден ваш пријател.
Акцијата важи за сите оние кои веќе ги купиле своите поединечни или сезонски билети, како и за оние кои допрва ќе го сторат тоа.
За саботниот натпревар ЖРК Вардар СЦБТ – РК Подравка, во продажба се достапни влезници од 100 денари и од 200 денари, кои можете да ги набавите во продажната мрежа на „МКтикетс“.
Натпреварот ЖРК Вардар СЦБТ – РК Подравка ќе се одигра в сабота, во СЦ „Борис Трајковски“, со почеток во 20 часот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
