Шпанците беа први фаворити за златото, меѓутоа во драматичен меч во полуфиналето загубија од Франција предводена од Тони Паркер, па фрустрацијата ја излечија на Хрватите.
Избраниците на Јасмин Репеша имаа сили да се спротивстават само во првите петнаесетина минути, имаа дури и водство од 27-28, но Шпанија додаде гас и на полувремето замина со предност од 11 поени разлика (47-36). До крајот Шпанците само го потврдија својот квалитет и славеа со конечни 92-66.
Бојан Богдановиќ беше најдобар во селекцијата на Хрватска, со 22 постигнати поени, од кои најголемиот дел во првото полувреме, кога речиси сам го одржуваше својот национален тим во живот. Кај Шпанците, Серџо Љуљ беше стрелец на 21 поени, Марк Гасол постигна 17, а Виктор Клавер еден поен помалку.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
