ВМРО-ДМНЕ: Жерновски ја префрли топката

Градоначалникот на Центар денеска во Основното јавно обвинителство ја поднесе документацијата од внатрешната ревизија на протектот „Скопје 2014“. Тој притоа нагласи дека сега на потег е обвинителството откако ревизорите си ја завршија работата. Постојат сериозни индиции за незаконско работење, а тоа е всушност и основата за евентуално постапување од обвинителтвото, рече Жерновски. Според него, незаконско работење, покрај во претходната локална власт, има и во централната власт, особено во Министерството за култура. Жерновски оцени дека поднесената документација е шанса за обвинителството да покаже дека работи независно и да се докаже дека имаме судство кое предметите не ги третира селективно.

Советничката група на ВМРО-ДПМНЕ од општина Центар пак, изјави дека градоначалникот Андреј Жерновски е прогласен за ненадлежен градоначалник кој со ревизијата на „Скопје 2014“ бега од одговорност.- Тој требаше да излезе и да се извини за сите досегашни негови обвинувања дека проектот е незаконски и криминален. Неговата ревизија е сосила напишан документ од партиска комисија и нема никаква правна основа за било какви обвинувања. По ова сме убедени дека Жерновски по одредено време повторно ќе излезе и ќе соопшти дека обвинителството не работи соодветно – рече советничката на ВМРО-ДПМНЕ во општина Центар, Даниела Рангелова.Тие го повикаа Жерновски доколку е навистина убеден во неправилности при градбата на „Скопје 2014“ или во име на Општината Центар или лично да поднесе тужби за сите обвинувања.- Тој има право да го направи тоа. Наместо да глуми не надлежен градоначалник нека излезе и нека понесе одговорнст за тоа што го тврди. При тоа треба да биде свесен дека на суд не поминуваат општите квалификации своеволните оценки и фразии, кои за проектот ги соопштуваат Жерновски и неговата партиска комисија – потенцираше Рангелова.

фото: Ѓ. Личовски (Република)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.