Луд меч во Романија со 16 жолти и 3 црвени картони – Клуж и Поли Темишвар одиграа 2-2

Судијата Јулијан Дима немаше милост кон играчите на Клуж и Поли Темишвар и им покажа вкупно дури 16 жолти картони и 3 црвени, во „луд“ меч што заврши нерешено 2-2. Опомени имаше на двете страни, 10 за домаќините од Клуж и 6 за гостите од Темишвар, а предвреме теренот поради црвен картон го напуштија тројца играчи на Клуж. Исклучени беа Костеа, Фелгуераш и Деак, па домаќините мечот го завршија со само 8 играчи.

Среќа за Клуж што мечот трае 90 минути, инаку кој знае што ќе им стореше Дима. Во фудбалот е дозволено екипа да има на теренот најмалку 7 играчи, во спротивно следува прекин на мечот и пораз со службен резултат од 0-3.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.