Вкупно 45 доктори специјалисти од приватните клиники се враќаат во јавното здравство, информираше денеска министерот за здравство, Никола Тодоров.
– Бенефитот од оваа мерка е токму тоа што се вработува готов кадар, специјалисти кои што имаат искуство и знаење и веднаш може да се вклучат во редовната работа на здравствените установи – рече Тодоров.
Во правата група влегуваат 45 доктори кои почнуваат со работа на 1-ви август. На огласот на Министерството за здравство за превземање лекари специјалисти од приватно во јавно здравство, се пријавиле вкупно 103 доктори специјалисти. Во Здравствен дом- Скопје ќе бидат превземени 13, а во Градската општа болница 11 доктори специјалисти.
Како што најави ресорниот министер, во понеделник ќе биде објавен и вториот оглас за превземање лекари специјалисти.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
