Во Агенцијата за електронски комуникации (АЕК) денеска ќе се одржи работен состанок со претставници од регулаторните тела за електронски комуникации од Србија, Босна и Херцеговина и Црна Гора.
– Посебен фокус ќе биде посветен на резултатите од досегашните активности за роаминг услугите како и следните чекори кои што ќе се преземат за поевтинување на роаминг и меѓународните разговори, најави АЕК.
Целта, укажуваат, е да продолжи соработката, размената на информации и натамошните мерки со цел корисниците на електронски комуникациски услуги од овие четири држави да можат да ги користат услугите по поповолни услови и цени.
Досегашните преземени активности на националните регулаторни тела од Србија, Босна и Херцеговина, Црна Гора и Македонија придонесоа за намалување на цените во роаминг на повиците за 83,5 проценти, на СМС за 70 проценти и на интернетот за 94,4 проценти за корисниците на електронски комуникациски услуги во овие држави од 2014 година досега.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
