Во редовна годишна посета на Република Македонија денеска претстојува МАП тимот на НАТО на високо политичко ниво предводен од помошникот на генералниот секретар на НАТО за политички прашања и безбедносна политика, амбасадорот Дирк Бренгелман.
За време на посетата, предвидено е амбасадорот Бренгелман да оствари средби со претседателот на Собранието Трајко Вељаноски, со претседателот на Владата, Никола Груевски, со заменик-претседателот на Владата задолжен за спроведување на Рамковниот договор, Муса Џафери, како и со министрите за надворешни работи Никола Попоски, за одбрана Талат Џафери и за внатрешни работи Гордана Јанкулоска.
На средбите, амбасадорот Бренгелман ќе се запознае со статусот на прогресот на Република Македонија, во однос на имплементацијата на реформските процеси во земјата во насока на целосна евроатлантска интеграција и членство во НАТО.
По средбите со највисоките државни органи, помошникот на генералниот секретар на НАТО ќе оствари заедничка средба и со амбасадорите на земјите-членки на НАТО во Република Македонија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
