Попладнево околу 17,30 во сообраќајка загина 24 годишниот прилепчанец Игор В. кој со автомобил хонда удрил во бетонски ѕид и влегол во двор на улицата „Александар Македонски” во Прилеп.
Според неофицијални информации, момчето пред да загине, присуствувало на осветувањето на неговата куќа во близина на местото каде се случила сообраќајката, јавува Мкд.мк.
Од МВР ја потврдија сообраќајката и велат дека екипи извршиле увид на местото. Причините за несреќата се утврдуваат. Според првичните информации загинатото момче изгубило контрола врз автомобилот и удрил во бетонски ѕид, го срушил ѕидот и влегол во двор каде удрил во џип. Од ударот тој починал на самото место. Екипа на Итната медицинска помош констратирала смрт.
Скоро во исто време, исто така околу 17 часот и 30 минути, тешка сообраќајна несреќа се случи и на патото Битола – Прилеп во која загина 35-годишен маж, а повредени се четири лица.
Втора жртва за четири дена: На патот Битола – Прилеп попладнево загина уште едно лице
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
