Рома со четири гола стигна до лесна победа на гостувањето кај Беневенто

Тимот на Рома попладнево имаше лесна задача на гостувањето кај Беневетно кое лесно го доби со резултат од 0-4.

Един Џеко постигна два гола за волчицата, а двата преостанати беа автоголови на домашните играчи. И сето тоа по принципот Џеко гол, па автогол. Најпрво во 22. минута босанскиот репрезентативец погоди за 1:0, потоа сопствената мрежа си ја затресе Лучиони, па пак Џеко беше стрелец и на крајот Венути со нов автогол ја запечати победата на гостите од Рим.

Рома со меч помалку има 9 бода на петтата позиција во Серија А, а Беневенто е закован на дното без бодови од 5 натпревари и со гол-разлика 1:14.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.